Esperanto en Aŭrovilo

La 16an de Novembro, 2019 komenciĝis kurso pri Esperanto en Aŭrovilo apud Pondiĉerio en la suda Barato. Temas pri oficiala kurso ĉe la Aŭrovila Lingvo-Laboratorio. Partoprenas ok lernantoj de kiuj kvar estas lingvo-instruistoj. Abundas entuziasmo pri Homaranismo, kiu similas al la filozofaj ideoj de Ŝri Aŭrobindo, poeto kaj filozofo sur kies konceptoj fondiĝis la urbeto Aŭrovilo.

Baldaŭ komenciĝos Aŭrovila Esperanto-Rondo kiu estos kvazaŭ klubo de esperantistoj kiuj kunsidos kaj kune manĝos kaj babilados ĉiu-dimanĉe ĉe la restoracio “La Terrace” apud la “Solar Kitchen” (Suna Kuirejo). Ĉiuj estas bonvenaj ĉe la Esperanto-Rondo.
Komenco bona, laboro duona.

Enkonduka sesio pri Esperanto en la Universitato “Savitribai Phule Pune”

Aperis la artikolon pri Enkonduka sesio pri Esperanto en la Universitato “Savitribai Phule Pune” en Esperanto en Azio kaj Oceanio n-ro 105, Novembro 2019

PDF: Esperanto_en_Azio_kaj_Oceanio_105_2019_novembro

Ligilo: http://esperantoazia.net/index.php?mid=bulteno

Salutmesaĝoj por Barata Esperanto Kongreso 18

BEK 18 Puneo 15-16 Decembro 2018

Karaj kaj Estimataj,

Pro neantaŭviditaj cirkonstancoj, ni ŝanĝas la kongres-urbon de nia BEK 18 al Puneo. La datoj de BEK 18 restos la samaj, nome, 15-16 de decembro 2018.

Aliĝilo

La kongresejo de BEK 18 estos “Andhra Association” (http://www.andhraassociation.org) en Puneo. Ĝia adreso estas: 1264 Wrangler Paranjpe Road, Off Jangali Maharaj Road, Near Sambhaji Park, Deccan Gymkhana, Shivajinagar, Pune 411004. Jen ĝia loko en Google-Maps: https://goo.gl/maps/FTB95EE96sv

Pro la urboŝanĝo, ankaŭ ŝanĝiĝas la kongreskotizo. La kongreskotizo estos 1000 rupioj, pagenda surloke. Ĝi kovros la dumkongresajn manĝokostojn dum la 15a kaj 16a. Ĝi ne kovros la loĝadon. Bonvolu legi pli da detaloj pri BEK 18 en la FEB-retejo ĉi tie: https://baratejo.wordpress.com/bek-18-puneo/

Ni pardonpetas al ĉiuj pro tiuj ĉi subitaj ŝanĝoj.

Amike salutas

Giridhar RAO

Flanke de la LKK

E-Movado en Barato

Aperis novaj artikoloj en ĵurnaloj pri E-Movado en Barato. Jen la liglioj:

• Livemint
• Hindustan Times

 

Lernu Esperanton!!

BEK 18 en Tirupatio, 15-16 decembro

Karaj Esperantistoj

Federacio Esperanto de Barato (FEB) invitas vin partopreni en BEK 18, Barata Esperanto-Kongreso 2018, kiu okazos de la 15a ĝis la 16a de decembro 2018 en la urbo Tirupatio en Andhrapradeŝo.

La kongresa temo estas “Barato 19: taskoj kaj defioj”.

Jen la aliĝilo. Pli da detaloj en tiu ĉi paĝo! Rezervu la datojn!

Puneo: Esperantaj Klasoj

Studentoj kaj instruistoj

 

Hodiaŭ (26a Aŭgusto 2018) ni finis 4an Esperantan klason el la 10 klasoj kiuj ni planis en la urbo Puneo (estas en la gubernio Maharaŝtro en Barato). La klasoj okazas en la organizaĵo “Raah – Literacy & Cultural Centre”.

Ni komencis klasojn je la 5a Aŭgusto 2018, pli ol 15 homoj ĉeestis en la unua klaso kaj feliĉe nun ni havas 10 studentojn el ili. Ili ĉiuj partoprenas en ĉiuj klasoj kaj interisiĝas pri Esperanto.

S-ro Nischad Salam, S-ro S S Pal kaj mi (Naga Siva) enkondukas Esperanton al la studentoj uzante la libron verkite de D-ro Ranganayakulu. Ni studigas iln, lecionoj el tiu ĉi libro kaj pratikas etajn frazojn por ke studentoj povas facile kompreni kaj paroli. S-ro Nischad havas bonan givdan sperton kaj facile finas la unu lecionon en unu klaso kaj ĉiuj komprenas. S-ro S S Pal gvidas kaj subtenas nin instruante nuancojn de la lingvo.

Ni ankaŭ volas danki al Aiman Mehta (ĉefo de la organizaĵo Raah), kiu invitis nin (mi, S-ro Nischad Salam, s-ro S S Pal, D-ro Ranganayakulu, D-ro A Giridhar Rao) post la enkonduko de Esperanto pere de s-ro Nischad Salam kaj tuje donis la lokon por 10 semajnoj (ĉiuj dimanĉoj je la 3a posttagmeze) por instrui Esperanton. Ne nur tio, ili ankaŭ reklamis por Esperanto, por ke ni havu multajn studentojn.

 

Reklamo por klasoj

BERo en Parko Cubbon

Sabate, la 18an de aŭgusto okazis la 23a BERo — la Bengalura Esperanto-Renkontiĝo. Kiel kutime, ni kunvenis posttagmeze en la Parko Cubbon. Venis nova esperantisto, s-ro Nikhil (t-ĉemize en la foto) kun sia edzino s-ino Suŝma. La ceteraj en la grupo jam konis lin pere de nia vacapa grupo “Barataj Esperantistoj”. Sed estis nia unua renkontiĝo. Eĉ pli interese, estis la unua foje, ke Nikhil efektive parolis Esperanton! Dankon, Nikhil, pro la ĉeesto! — Giridhar

Esperanto-Klubo en Mumbajo

Komenciĝas la sesioj de la Esperanto-Klubo de Universitato de Mumbajo (University of Mumbai) la 26an de Julio. La celo de la klubo estas ebligi al homoj kiuj interesiĝas en Esperanto lerni ĝin kune. Ĉi tiu klubo estiĝis precipe pro la instigo de S-ro Probal Dasgupta, kaj pro la bonŝanca fakto ke mi estis studento en la fakultato de lingvistiko, kies profesoroj ankaŭ entuziasmis pri la ideo de ĉi tia klubo.

Klubsesioj okazos ĉiuĵaŭde kaj daŭros 90 minutojn, kaj la jaraj kotizoj estos INR 200. Por pli da informoj, bonvolu kontakti min ĉe esperanto.mu@gmail.com.

Bondezirojn,

Rohan Dharwadkar.